Profilo autori

Vocale e cunsunante, aspettene 'o mumento 
'e trasi' dint'ê pparole, cu ll'apostrofo o ll'accento.
 
Ma 'nun sempe 'e pparole dette se riescene a spiega': 
spisso o sempe se perde assaje tiempo a ll'ê truva'. 

Quanno capita ca tutte 'nsieme nuje chiacchieriamme:
ciento e forse mille lettere se vanno accapiglianne. 

Tante e troppe parole vanno 'ncerca 'e 'na vocale: 
vonno truva' 'na cunsunanta pe pare' cchiù originale. 

Allora vide lettere ca abballene mmiez'ê nnote, 
ate 'nu tantenielllo spaisate, ce provene n'ata vota. 

'Na lettera cucciuta trase 'a fforza dint'â 'na poesia,
tant'ate cunsunante spaisate, se sperdene p'â via. 

Spisso se dice assaje, ma 'nun se sape parla': 
se 'mbrogliene 'e llettere fra 'na "bi", 'na "o" e 'nna "a". 

Ma quanno vide ca 'e pparole 'nvochene 'a Maronna 
e 'na nenna dorme, vucata d'â ninna 'e 'na nonna, 

allora piense, ca 'e llettere c'hanno pruvato gusto: 
hanno girato tanto, ma se so' fermate 'o posto justo. 

'E vvote te siente furastiero: 'a ggente pare ca 'nun sente. 
Chi s'avota, chi stà zitto e chi rimane 'ndifferente. 

Forse, si ausasseme ll'alfabeto muto: senza parla', 
'nun ce stesse tantu bisogno 'e se mettere a spiega'...