Profilo autori

Rialame nuttate e luna chiena,
ca pittano d'argiento
'o mare e stu paese,
'e lluce d''a riviera
ca specchiano dinta all'acqua,
e schizzechelle e stelle
ca brillano a luntano...

Rialame 'e mmatenate 'e sole
c'ammaturano 'e frutte p''e ccampagne,
vuole 'e aucelluzze,
suone 'e chitarre 'e manduline,
canzone, feste e vase,
prufummo e rose e viole...

Rialame 'nu ventariello
aggarbato e frisco,
ca fa ogni ghiuorno
e ffronne suspirà,
e do' Vesuvio a cimma
rummane a ccarezzà...

Rialame stu suonno e paraviso,
ca ncopppa a vocca mia
cumpare 'nu surriso,
è sta costa 'ncantata
ca me fa spantecà,
'o nomme suio 'o ssaie,
è Napule città!