Poesia po' mare
Me sò susùta allera stammatina, penzanno a 'o suonno c'aggio fatto ajere, e so scennuta abbascio margellina guardanno 'o mare, e vvarche, e piscatore... 'Na voce apassiunata cantava 'na canzone doce doce e n'onna m'ha purtato n'coppe e scoglie facennemo tremmà da cuntentezza... Stu mare e sta città ca m'ha n'cantata cu 'nu prufummo e sale dinto all'aria m'arravugliato o suonno e a fantasia... Guardannelo ie m'aggio m'bambulata e all'intrasatte m'ha arrubbato 'o core, nun c'è vuluto tiempo pe capì, cu ll'uocchie appriesso all'acqua aggio penzato, e cu parole mie io n'aggio fatto 'na poesia...
data | autore | commento (si può commentare solo se si è loggati) | |
21-12-2013 | Redazione Oceano | Lirica e vernacolo portano musica e armonia. La tua Antonietta. |