'A raccolta differenziata

’A raccolta differenziata

«Avimm’ ‘a fà nu poco ‘e pulizia,
ce stanno troppi mbruoglie pâ casa
e nu tengo ‘o spazio pe mettere chiù niente!
Sosete ampressa ô posto ‘e fa ‘o fràceto sott’ê cuperte!»
me dice muglierema vuttànnome dô lietto.
Mamma mia bella, quanta schifenzìa
avimmo accumulato int’ â stu mese!
Cà ce vò nu cammio cô rimorchio
pe fa unu carico tutt’inzieme.
Mannaggia a chi ha mettuto mmiezo ‘a differenziata!
E mo comme ‘a metto nomme,
io nu capisco propio niente!
Addò va ‘a scatula chê Cd-Rom?
‘E spazzuline dê diente,
‘e rete dê pisielle,
‘e tappe dê barattole,
‘e carte nzivate ‘e uoglio,
‘a carta oleata e chella carbone,
‘a carta vetrata e chella cu l’alluminio?
‘E stracce addò dòrmeno ‘e cane
io vulesse proprio sapè:
sò multimateriale o indifferenziato?

Se ’ntravogliano ‘e cerevielle chê stentine 
pe sistemà ‘a cosa ogne juorno.
Allora voglio fa comme fanno l’ate,
tanto nisciuno dice niente!
‘O divano rutto câ pultrona dô nonno
‘e porto sotto ‘o ponte ‘e l’autostrada;
‘a lavatrice cô frigo viecchio int’ô vuosco d’Arciano;
‘o sfratto dâ cantina int’ a quatto buste nere
addaret’ â chiesa ‘e Gesù e Maria;
‘e tappe, ‘e rete e ‘e carte unu volo
dô finestriello dâ macchina;
chest’ata busta chiena chiena
‘a lascio annanze ô canciello ‘e n’ata via!
Addò ‘e metto ‘e raste dê piatte rutte?
‘E faccio vulà int’ô giardino dô vicino
e chi s’è visto s’è visto!
Aaaah! Mica po è accussì difficile fa ‘a differenziata
se tiene nu poco ‘e fantasia pe truvà ‘o posto justo!!!
data autore commento (si può commentare solo se si è loggati)
23-01-2016 Redazione Oceano Musica che danza nei versi raccontando con tanta ironia una delle realtà più amare della nostra società. Differenziare sembra semplice ma tu acchiappi ciò che della quotidianità è diventato tarlo … grazie per il sorriso!

Pubblicata il 20-01-2016

Numero visite: 548


Commento dell'autore

Una simpatica provocazione
per lo smaltimento dei rifiuti.