'E zzizze
Si tutte quante bevesseme latte d'â stessa zizza, 'a uno 'e chilli piette generuse, fosseme soddisfatte, pecché maje nnisciuno 'e nuje nne fosse escluso. 'Nvece no. Pe coccheduno 'a balia s'è asciuttata. Nun tene chiù latte e s'è asseccata. Pe tanta vocche è avanzato sulo 'nu schizzo: s'hanno zucato 'o llatte 'a tutt'ê zzizze. Ce stanne piette gruosse e piccerille e chi s'attacca spisso a chisto e chillo. Sulo 'o pettecciullo e mammà, no, nun se tocca. 'O ssape bbuono chi dorme c'â zizza 'mbocca. Però nun se po' permettere, a chi aspiette. 'Sta cosa s'adda sape' piglia' 'e pietto. 'O llatte è nn'alimento naturale: addò avessana zuca', uno o n'ato tale e qquale. Nunn'ave 'mpurtanza 'a forma o ll'aspetto. A tutte quante spetta 'o ppoco 'e pietto. Balcuncielle, davanzale, zezzelle appese o perelle. So' tutte surrise appassiunate 'e mmarunnelle. So' mmummarele janche, chiene 'e affetto, ca s'avessana sapè spartere c'ô dovuto rispetto.
| data | autore | commento (si può commentare solo se si è loggati) | |
| 06-11-2016 | Redazione Oceano |
Nei tuoi versi si ripercorrono con saggezza le trame del principio e del viaggio, da amare e coccolare al di là delle apparenti forme che coprono d’unguenti ostili i pensieri dell’umanità. Nutrirsi, assopirsi sul petto della mamma è saggiare vita che ha dato vita: bocciolo d’emozioni differente, caldo manto da adorare! |
|