Profilo autori

Si' 'a lengua fosse 'nu campaniello,
j' crero ca bussasse a tutt'ê pporte.
Ghiesse purtanne ciente fatte vere, 
ma pure tanta bucie e pparole cuntorte.

Lengue annascuse addereto 'o dito, 
se 'mbrogliene pe canta' senza spartito. 
Lengue 'e curtielle vanno scalpellanno:
trasene dint'ê vvocche, cercanno 'e purta' danne.

'A trovene sempe 'na recchia sgarbata, 
pronta a addeventa' cumpagna 'e ciato. 
Lengue palestrate, ca trovene giuvamento, 
'e chiacchiere ottuse: sulo p'allenamento. 

Lengue ca s'atturcigliano p'ammore, 
lengue 'mpastate ca chiagnene p'ô dulore.
Te culpiscene: nun faje a ttiempo a ll'ê scansa', 
nun te fanno piglia' collera: ma pruove tanta pietà...