'O treno
Saglimme, scennimme, c'affannamme. Rerimme, chiagnimme e po' pazziamme. Ogni ghiuorno ca passa se va sempe cchiù 'e pressa, ma ce sta pure chi rallenta o sta allerto pe scummessa. Chi aspetta chillu treno ca nun passa maje, chi va 'mparaviso pe scagno e senza pate' guaje. 'Nu viavaje 'e crestiane p'â strada c'aspetta e ggente ca tutt'ê mmatine se tira 'a carretta. Chi attacca 'o ciuccio addò va 'o padrone, chi votta cavece: aiza 'a voce e s'impone. Ce stanne uommene putente, tanta pezziente e pure 'nu cuofano 'e uommene 'e niente. Ll'importante è ca stamme bbuone e tiramme a campa', 'nfino a quanno 'a salute c'assiste e ce sta. Quanno po' stamme stanche e ce simmo sfastediate, assettammece e aspettamme: adda passa 'a nuttata.
data | autore | commento (si può commentare solo se si è loggati) | |