'O guappo? 'e cartone
"C'avite fatto...'nun m'avite salutato?" "Scusateme, 'nun vulevo. M'ero n'attimo girato." "Va bbuono, bene, bravo. 'O sapite: songo 'nsisto. "Putivene pure muri': 'o fatto po' era triste." "Si nun facivene 'o bbravo, j' ve schiuppettavo. Ve lassavo ca 'nterra e nisciuno ve salvava." 'O guappo 'e 'stu rione, nun vo' senti' ragione. Se va sempe avantanno ca fa 'o guappo a tant'anne. "Voglio 'nfurma' ca ajere, n'aggio fatto fore tre. Cu ddoje dete e 'na mana: justo p'ô fa' sape'." "E po' si stongo stuorto, pure si aggio tuorto, si mme va faccio 'na strage e songhe tutte muorte." "J' mo' ll'aggia parla' a chistu miezo scemo." "Si 'nun 'o vvaco a fa, 'sta storia va 'ncancrena." "Tu boss d'â camorra, parle 'e sanghe ca scorre. "Si 'a cca 'nun te ne vaje, j' te 'mparo e correre." "Aggio capito buono? Vuje me state sfidanne? "Ma comme, propete mo' ca steve raccuntanne!" "E mo' m'aggia fa brutto". Allora aggia spara'!" Jateve a vesti' a llutto, ca v'aggia veni' a atterra'." "O vvide ca' nun si guappo". Accussi' 'o rispunnette. "Accideme. Sto' cca'. Muovete, a chi aspiette?" "Che d'è. 'Nun parle cchiu? E allora 'a guapparia, "'o sanghe, e 'muorte accise, stise pe miez'â via..." "'A rivultella carica pronta pe ll'occasione." "Meliarde 'e gente accisa e senza cumpassione!" "Si' sulo n'infelice: si 'nu guappo 'e cartone." "Quanta strunzate dice. Guardate che buffone." "Mo' 'nun parle cchiù. Te faje 'a scena muta?" "Acalate 'o sipario: 'a cummedia è fernuta..."
data | autore | commento (si può commentare solo se si è loggati) | |