'E suonne
C’aggio cumbinato stammatina: mmiezo 'a rrobba vecchja aggio jettato pure 'e suonne. Nun me n'aggio addunata: nunn'ê trovo. Eppure stò giranno tuorno tuorno. 'Ncoppa a 'nu mobile o dinto a 'nu cassetto. 'Mmiezo ê llenzola o 'nfunno 'a culunnetta. Chi 'o ssape addò ll'aggio lassate. Forse dinto a 'nu lenzuolo arravugliate? Sule e rassignate 'mpruvvisamente 'e vveco Se stanno 'ncamminanne pe 'nu viculo cieco. Se nne vanno triste e appucundrute. S'alluntanene: se sentene avvelute. Je p'ê putè 'ncuntrà nn'aggio fatte e passe, ma mò ca ll'aggio 'ncucciate nunn'ê llasso. 'E 'nchiudo dinto a 'na cajola trasparente, oppure 'e ffaccio vula' libere p'â mente. Mò voglio ca mme venene 'nsuonno tutt'ê suonne. Chille ca nunn’aggio maje sunnato e pure tutte chille ca se pigliavene scuorno. Nun'ê ggiudico e nun'abbado 'a forma. Voglio ca me fanno sunna' ancora notte e ghiuorno.
data | autore | commento (si può commentare solo se si è loggati) | |