Profilo autori

Taliu i to’ occhi, bedda soru mia,
e ricordu  di beddi tempi passati,
quannu, ‘nta l’occhi mi taliavi
e iò, gilusa d’ ‘u to direttu sguardu
beffa di te mi faceva.
Ora, chi di tempu assai ni passò
ritrovu ancora, forsi  chiussà ancora,
i to’ beddi occhi, c’ ‘a  stissa vardata .
Iò nun mi fazzu chiù di iddi beffa,
oji vi  leggiu  tantu  amuri,
pi  ‘na gioia ‘ranni assai.
Occhi  chi tantu vidunu e vistiru,
chini di miravigghia e pinseri,
specchiu di ‘n anima ginirusa,
vardati a lu munnu  e non chianciti,
ma jiuiti occhi priziusi.