'E vasce
Pe dint'ô Pallunetto, si te truove a passa' a llà e strade songhe astrette e 'nun può transita'. 'O sole s'arretira pe 'sti viche curvine, quase scansa quanno passa llà vvicino. 'Ndumente nfuse e de famme 'ntrise, cammise ca sperciano miseria, dint'ê panne stise. 'Sti vasce ca 'a guardarle mme parene tanta casce, tutte curte, scure e nchiuse, sott'â palazze 'nfuse 'O sole nun ce trase dint'â chisti viche, ca te contano mistere e cocche fatto antico. Coccheduno votte n'uocchio dint''e vane brune, addò 'a bonasciorta nun tocca maje a nisciuno. Cà ll'odio e ll'ammore nun tenono capienza. 'E tanta parole se ne perde a cunuscenza. Ll'aria ca se respira porta 'na vesta stracciata, tiempo e devuzione 'nun ll'hanno cunfortata. Tu sole, c'â matina, te scite e fisse abbascio, fattella 'na guardata pe dinto a chisti vasce Falle pe passiona o si può pe carità, votta 'na 'ntecchia 'e calore, quanno passe pure ccà.
| data | autore | commento (si può commentare solo se si è loggati) | |
| 13-10-2016 | Redazione Oceano | Tra i vicoli, stradine storte e gradinate ripide, siedono i tuoi versi, fuggitivi e intensi come il sole che non osa sostare tra queste “vasce”: emozioni percorse “dint'ô Pallunetto”, inginocchiate a rincorrere smaniose raggi distratti differenti. | |