'O viento
Preputente, arraggiuso, scrianzato, votte cavece 'a for'ê ffeneste. Trase dinto e capille e 'mmalizziuso, se 'nfizza curiuso sotto 'e vveste. Quanno stà sfastedjato e chiove, votta acqua a zuffunne p'ê ccase. Sbatte 'e pporte, scassa ll'arbere: va fujenne llà attuorno comm'â 'nu 'nvaso. 'E vvote stà quieto e parla chiano: s'appoja delicato 'ncoppa e mmane. T'accarezza 'o viso, te parla doce e te trase dinto chianu chianu. Se 'ntrufola curiuso dintê 'rrecchie: 'nu poco bruntulianno se 'ntallea. Po' 'mpruvvisamente scioscia, sbuffa e scutuliannese vene e te schjaffea. Si 'o saje piglia' isso s'addulcisce, ma spisso allucca forte e te sturdisce. P'ô riesto, porta cose ca 'nun sanno 'e niente. Murmulea parole sfaticate, ca bruntulanne: se nne vanno sbuffanne 'nsieme 'o viento...
| data | autore | commento (si può commentare solo se si è loggati) | |
| 22-10-2016 | Redazione Oceano | Il vento, protagonista importante nella natura e quindi nella nostra vita, ci accompagna, ci segue, a volte ci fa paura ed altre sembra ridarci la vita, quando rinfresca l’aria densa e ardente dell’estate. È una presenza costante che “Se ‘ntrufola curiuso” nella nostra quotidianità. | |