Luna...A mamma d'e pensieri
O saie, a vot so turmient che manc ‘o viente se sape piglià, so com’e manichini sti pensieri burattini maie nu poca ‘e pace sanne dà; so com’e preghiere che quann’ è sera cumbattene che suonne ‘e nun ce fanne arrupusà. Stanne llà pe facc’ e mura so com’e creature mille capricci sanne fa, se vestono ‘e ce spogliano s’arrampican ‘e se sciogliene ma pe miezz o mare nun ne vir mai e affunnà. O juorne attuorn ’o sole ce arrobben miezzu ciel ‘e ce lassano annurre sti pensieri battaglieri; pe dind ‘o scuro fanne rummore ‘e cu l’ansia dind o core ce lassano a tremmà, com’o pensiere e na mamma che a notte nun dorme a si chillu figlie nun torne e pe miezz’a casa sta llà allo spettà, o pe nu pate che dind a nuttate resta scetate penzanne a dimane a si nu muorz’e pane a sti figlie le po dà. So pensieri; che ce avvelenano ‘o sang dind e vene, e fann’a guerra pe dind’e suonne coccurun ce sape astregnere ma cient nun ne ponne... Ohi luna, luna mì pure ie a notte nun riesc’a durmì, tu che si pe me com ‘a na zingara, ohi zingarè te chiedo e me scummiglià a sta pioggia e pensieri che nun me fa cchiù sunnà.
data | autore | commento (si può commentare solo se si è loggati) | |
11-04-2013 | Redazione Oceano |
Il vernacolo rende al meglio le emozioni e i pensieri, sa parlare con il calore della semplicità riuscendo a trasmettere sensazioni dirette: sono versi di una malinconica bellezza, profondi nella loro intensità e spessi come il buio della notte che li ti ha guidato la mano. Ohi luna, luna mì pure ie a notte nun riesc’a durmì.... disarmante! |
|
08-04-2013 | Massa V. Massimo |
I pensieri che prendono il sopravvento... che assillano gli un animi sensibili, che ci fanno meditare sulle nostre fragilità, sulle cosmiche dissonanze. Sono i tormenti dell'anima che hai trasformato con maestria in armonia di versi, resi ancor più belli se la tua penna scrive in napoletano... Brava |