Profilo autori

Na vot' abbascia a chiana
era nu mare verd'è russo è pummarole
can un se verev''a terra!
'E matine è primavera
ll'aqquazzone brillava sott'o sole.
'E femmene già cantavane
primma ca asceva 'a calandrella.
Io guagliunciello,
pe dint'è ssorche è pummarole
ca lancella mmano,
addummanna' chi vuleva bever.
Nun serveva 'o rilorgio 
pe verè che ora era,
bastava sentì 'o punente e miezz'jorno,
c'arrivava 'o sole 'a picco miezz'o cielo
e s'aspettava sul a sirena dòò
tabbicchificio ca ssunava.
Comm' passava ambressa
chell'ora è miezz'jorno,
sott'a nà baracca pe quatt' pali all'erta,
che foglie è cucozze,
è chiant'è fasule atturccigliate atturn'è pali
faceven'à friscura 
che femmene ca magnavene.
Era nu pranzz misero,
na zzalata è pummarole
cu dduie puparuole fritt'
è 'o pane bagnato
dint'à ll'acqua fresca da lancella.
Eren' ttiempe tristi
ma senza llamiento,
mo cca ttenimme tutto
jamm' cercann'è cose
cà nun senvene.