Profilo autori

Me se fermaie 'o core
'a sentì chella nutizia!
Me passaie 'a vuluntà è parlà
pe quacche juorno!
Eppure tteneva nu presentimento brutto !
Gia 'a nu poco è ttiempo,
mo portaie nguorpo
senza ddicere nniete.
Nu fil'è speranza m'arrivaie
pur si suttile,
me facette turn'à parola
e mbiett'à me s'appicciaie nna luciarella.
Pregaie 'a DDIO,
pe quacche lacrema cca scenneva,
e fà passà chillu mumento brutto
cca se magnaie 'o core mbietto.
Nu pate quanta p'nzieri ffa d'intà nna jurnata
pe ffa felice è figli.
Se fann'è sacrifici e nunn'è ssiente,
e pò 'a furtuna te gira è spalle e nun t'accumpagna.
Io da vita nun cerco ricchezze!
Vurria vedè seren'è figlie mmie.
si stanne bbone lloro song' felice pur'io!
Ma spisso aggià truvata 'a sagliuta ncoppa 'a strada!
Comme si nc'è fosse 'o maluocchio
cca me mantene e nun me fa zzumpà 'o fuosso.
'E vvote distrutto " rinennego " 'a vita,
e penzo forse era meglio si nunn'era nnato!