Profilo autori

'A dummeneca matina,
nunn'era ll'addore è cafè
a scetà ò vicinato,
ma ll'addore do raù
è mamma mia ,
cca mprignava ll'aria !

Era ancora scuro,
quanne mammà se susava pè fa ò raù.

Dint'ò tiano è creta,
metteva a sfriere nu filo è uoglio
cu nu cucchiaro e zogna,
na cepolla tagliata a felle,
e braciole arravugliate co cuttone,
e piezze è carne pè nuie guagliuni.

Che addore se senteva,
quann'è cca menaie à butteglia 
è pummarola, dint'à carna cca sfrieva
ziemm'à ll'uoglio !

'O raù pare facile do cucenà,
ma nc'è vò a pacienza,
le sta accortere pe nun ò fa piglia sotta.

Che tiempe belli ch'erene,
ò miezz'jorno tutti atturno a tavula
cu PAPA' capo fila...
'o primmo piatto era ò suoio,
e pò se scenneva a gerarchia.
'E MAMMA' puverella,
nun tteneva manco ò tiempo e s'assettà !!!