'O ciuccio 'e fechella pe 'sta strada piccerella,
vo fa 'o cavallo e razza, però 'nun tene 'a stazza.
'O padrone 'o vott addereto p''o fa cammena'
ma chillo se scunocchia dinto 'e zampe e 'nun c'a fa
"A bbiada te ll'aggio data, 'e ppiaghe t'aggio sanate
mò pure 'a coda, pe sfregio e nfracetata!"
'Stu ciuccio 'e fechella, ca 'nun vò proprio truttà
tene tanta piaghe ca 'nun vonno sanà.
Se sforza e purta' 'o basto, p'accuntentà 'o padrone,
ma lle jesce n'ata piaga quanno vede 'o bastone.
'O ciuccio fa 'o cavallo e se ne sta pe dinto 'a stalla,
però resta 'nu ciuccio e nunn'è 'nu cavalluccio.
"Nun ce vò prpete niente pe fa 'o cavallo",
nitrette 'o stallone, mustranne bbuono 'e ppalle.
"Je corro, so veloce, zompo ostacole e tu,
aroppa cinque minute, già nun truotte cchiu'?"
"Pò songo sempe bello, lucido e strigliato,
n'arrassumiglio a tte, ca staje
tutt'ammappuciato."
"Che t'aggia di' ", rispunnette allora 'o ciuccio,
mentre ragliava e mustrava 'o ppoco e cruccio
"Tu sarraje pure gruosso, lligante e lucidato,
ma 'nun staje dinto 'a grotta cu 'o bammeniello nato."
"Mentre vaje currenno e te faje 'nu giro 'e pista,
je stongo 'nsieme 'o bue e me scarfo a Gesù Cristo."
| data |
autore |
commento (si può commentare solo se si è loggati) |
