'A mamma
Dint'â 'nnu cascione, chine 'e ghirlande e alloro, ce stà 'nu core 'e mamma fra mille ragge d'oro. Mentre tutt'attuorno mmiez'â 'nu ciardino 'ncantato, 'o naso s'allerea pe 'nu prufumo 'e prato, 'mpruvvisamente accumpare 'nu bagljore, chin''e sentimente, borotalco e ammore. È 'na mamma, bella, doce e appassiunata. 'Mpruvvisamente vierno, addeventa estate. Tu mamma, me scummuoglje, m'arrape e pò me chiure. Cu tte nun tengo segrete e mme rimango annura. Spisso ce parlamme e c'accarezzamme cu 'o sguardo e si tu mme saje sentere, nun pozzo essere buciarda. Maga, miereco, fattucchiara, bbiata. Sì tutt'ê ccose cchiù bbelle ammiscate. Si putesse te 'nfezzasse dint'â vorza, facennete addeventà vurzellino, pe te tennere astretta e sempe cchiù vvicino. Accussì cammenasse cuntenta e lieta, quanno sò stanca e coccosa mme 'nquieta. 'O sguardo me s'apposa 'ncoppa 'a ddoje scelle ca tiene annascuse dint'ê sspalle 'ncurvate, te veco addivintà n'angelo, 'na farfalla e pò 'na fata. Allora, 'nsieme a tte mme metto liggiera a vulà, e tu mme guarde e ddice:"Stò ccà, bell'ê mammà."
data | autore | commento (si può commentare solo se si è loggati) | |
01-10-2016 | Redazione Oceano | Un canto alla figura sempre presente, quella che accompagna nell’avventura della vita, che si prende cura, che accarezza, che gioisce con le nostre gioie e piange con i nostri dolori. Un dolce canto alla mamma. |