Chiove
Chiove, 'ncoppa 'a terra 'na tinta sola, e 'nu triste cielo stà tutto 'nfuso e arravugljato sotto a 'nu grigio velo. 'E piante acalanne 'e ccapuzzelle se cunfurtene fra lloro, s' ammescane 'e lacremmelle, dannese riparo e ristoro. Svulazzane 'nfuse 'miez''e ffoglje e pe coppa ê rame, ll'aucelluzze mentre 'a mamma cinguettanne ‘e chiamma Dinto ô pullaro 'nu pullecino nun' se 'mporta ca chiove: straccia 'o guscio. E' 'na cuvata, sulo 'na schiusa d'ove. Niente se ferma e se cuntinua a cumbattere a battaglia'. 'E vote cu 'a tristezza, po' cu ll'allerezza 'a vita vene e va. 'O mare zampillea e putente schizze culpiscene 'a luntano. È vita ca scorre e va ‘nfunnene e sfruguliànne: so' ffuntane Veco cammenà sotto a ll'acqua 'na scarpa cunsummata, ‘nu cartone scugnizzo sotto a 'nu ponte se votta accartucciato. 'A pioggia 'nfonne ‘nu lampione ca 'nun po’ da' chiù luce, quanta 'mbrielle aperte e porte ‘nserrate e ‘nchiuse. Chiove e ‘a malincunia passanno te lassa ‘nu triste languore, mentre ‘a pioggia 'nsista nun s'arreposa e batte ll'ore. Guardo 'o cielo aspettanne ca ‘ncielo nasce ‘nu chiarore ‘A luntano veco 'na lenzetella 'e luce, ma 'nterra ancora chiove...
| data | autore | commento (si può commentare solo se si è loggati) | |
| 25-09-2016 | Redazione Oceano | L’insistente malinconia che abbraccia il verso rintocca nella pioggia lieve, forte, come l’andare del tempo disperso tra luci fioche e pensieri. Nell’attesa che il cielo presti al sole la sua allegria tutto appare come un unico giaciglio avvolto nella tristezza. | |