'A pettegola

'Sta femmena 'mpicciona 
affacciata 'o bbalcone,
sape 'e fatte 'e tutte quante:  
murmulea pure d'ê sante. 
Comm'auciello stà appuiata,
azzeccata a chella grata.

Quanno po' vene 'o pustino, 
comm'ô falco pellegrino, 
essa stà llà già presente.
"Nè, pe mme nun ce sta niente?”
Comm'â n'aquila predante 
sape 'e fatte 'e tutte quante. 

Cu nna vista fina fina, 
te cuntrolla d'â matina. 
Si 'nu sguardo tu lle faje, 
che piacere ca lle daje. 
Comme 'a 'nnu pappavallo, 
avvulgennese dint'ô scialle: 

"Bbonasera Elisabetta" 
'ncoppa 'o trespolo s'assetta. 
Mette 'mmoto 'a fantasia. 
Sempe pronta 'na bucia. 
"O sapite 'a donn'Antonio, 
ca stà 'e casa 'ncopp'ô ponte. 

Puveriello, è caruto e 
s'è fatto male 'nfronte. 
'O saccio j' che ll'è succiesso. 
Mò v'ô cconto ambressa ambressa. 
"A mugliera chella 'ngrata, 
pe Ntunillo ll'ha lassato, 

isso ll'ha corruto appriesso e 
ha 'nciampato dint'â pressa."
Quanno 'a strada se fa scura, 
arraqquanne piante e ciure, 
leva 'e tende lentamente, 
danne nn'atu sguardo 'a ggente.

Critica sempe a coccheduno 
mentre leva 'e panne spase. 
Sempe pronta, vigile e attenta.
"Nè ma quanno se nne trase?”
Po' chiudennese 'e balcune, 
mentre allucca cu 'e guagliune, 

dinto 'a casa essa se 'nserra.
Ha fernuto e ce fà 'a guerra!
Ma 'sta femmena suspettosa 
ca spianno se 'ntrumette, 
pe 'nnu fatto 'e umanità, 
trova sempe chi ll'accetta...
data autore commento (si può commentare solo se si è loggati)
21-02-2017 Redazione Oceano Rotolare nei tuoi versi e scoprire lo scorrere della quotidianità è poesia. Nelle tue parole, affacciate alla consuetudine bistrattata di chi ruba il tempo al nulla, la morale riprende il senso e anche chi s’impiccia del tutto e del niente “trova sempe chi ll'accetta...”.