Uocchie asciutte
'Na goccia dint'ô mare 'nun se vede, ma quanno 'a tiene 'nfaccia te n'adduone! Triste piense â€" stà arrivanne 'o maletiempo - e te siente 'e burbuttia' pe ccapa 'e tuone. 'O cielo minacciuso allampea 'a terra, 'a vocca bbeve pioggia e 'nun se 'nzerra. S'assapurea 'ncelestiate gocce 'e sale, ca tenene 'o culore e ll'acqua 'e mare. Pe chi s'ô po' ppermettere, è cchisto 'o chianto, ca chiagne chi tene 'o core affranto. Ma 'nce stanne lacreme ca se tenene annascuse: 'a vvote pare ca stanne quase a cerca' scusa. So' quiete, 'nun lle piace 'e fà confusione. Te rimanene 'ncanna senza ce mettere passione. So' llacreme ca scennene p'ê vise addulurate, ma cadene asciutte e 'nun songo maje bagnate. Nun 'e vvide e 'nun 'e ppuò mmanco tucca'. Spisso addeventene resate: 'nun vonno pieta'. Songo lacreme ca si pure sentene dulore, te chiagnene 'ncuorpo, ma senza fà rummore.
| data | autore | commento (si può commentare solo se si è loggati) | |
| 12-03-2017 | Redazione Oceano | Ci sono lacrime che stridono come lame silenziose abbracciate umilmente al cuore perché del loro lento ed eterno dolore non v’è anima più affine dello scrigno che ne conserva l’intensità . | |